கல்லூரி மாணவிகளுக்கு கார்போரேட் உதவி கோரி நேற்று எழுதியிருந்த பதிவுக்குப் பிறகு ஏகப்பட்ட பேர் தொடர்பு கொண்டார்கள். மாலை நெருங்கும் போது எவ்வளவு பேர்களிடம் பேசினோம் எனக்கே குழப்பமாகிவிட்டது. பத்துப் பேர் தலா ஒரு பெண்ணுக்கான செலவினை ஏற்றுக் கொண்டார்கள். செந்தில்மோகனும் வினோத்தும் சவீதாவும் நிசப்தம் தளத்தின் வழியாக நீண்டகாலமாகத் தொடர்பில் இருப்பவர்கள். வினோத் வருடம் இருபத்தைந்தாயிரம் ரூபாயும், செந்தில் வருடம் பத்தாயிரம் ரூபாயும் சவீதா பதினைந்தாயிரம் ரூபாயும் தருவதாக தகவல் அனுப்பியிருந்தார்கள். மூவரின் தொகையையும் சேர்த்தால் இன்னுமொரு ஐம்பதாயிரம். பத்துப் பெண்களுக்கான உபகரணங்கள் உட்பட தேவையான அளவு நிதி சேர்ந்துவிட்டது.
பனிரெண்டாவது, பதின்மூன்றாவது என பின்னர் தொடர்பு கொண்டவர்களிடம் அன்போடு மறுக்க வேண்டியதாகிவிட்டது. இன்று காலையில் அவர்களை அழைத்தும் மின்னஞ்சல் அனுப்பியும் மறுத்திருக்கிறேன். அவர்கள் யாவரும் பொறுத்தருள்க. வேறொரு நல்ல தருணம் அமையும் போது பயன்படுத்திக் கொள்வோம்.
கோபி கலைக்கல்லூரியில் உருவாக்கப்படும் புஞ்சைப் புளியம்பட்டி ஹாக்கி அணியின் நன்கொடையாளர்களாக பின்வரும் பத்துப் பேர்களும் இருப்பார்கள்.
- சக்திவேல் ராமசாமி
- சரவணன் இளங்கோ & பூங்குன்றன் இளங்கோ
- பால கிருஷ்ணன் மற்றும் நண்பர்கள். (அய்யப்பன், ராம், ரமேஷ், சுதா, தணிகைவேலன்)
- ராம் கார்த்திகேயன்
- ஸ்ரீராம் நாராயணன்
- ராமமூர்த்தி பொன்னுசாமி
- சேதுபதி
- தங்கராஜூ ராமசாமி
- மஞ்சுநாதசுவாமி மடிக்கே
- வள்ளியப்பன் சுவாமிநாதன்
- வினோத், செந்தில்மோகன் மற்றும் சவீதா
வருடம் ஐம்பதாயிரம் ரூபாய் அதுவும் மூன்று வருடங்களுக்குத் தொடர்ச்சியாகத் தர வேண்டும் என்பது பெரும் தொகை. ஒரே நாளில் முடிவெடுத்துத் தோள் சேர்த்த நண்பர்களுக்கு நன்றி. வழக்கம்போலவே ‘போதும்’ என்று எழுதுகிற அளவுக்கு வேகமாக இருக்கிறார்கள். அத்தனை பேருக்கும் மனப்பூர்வமான நன்றி.
இனி பத்துப் பெண்களிடமும், பயிற்சியாளரிடமும் பேச வேண்டும். இனிமேல் அவர்களின் கைகளில்தான் இருக்கிறது. அவர்களின் வெற்றியே அடுத்தடுத்து வருடங்களில் இத்தகைய திட்டத்தை மேற்கொள்ளலாம் என்னும் உத்வேகத்தைத் தரும். அதை அழுத்தம் திருத்தமாக அவர்களிடம் சொல்லிவிட வேண்டும். வரும் ஞாயிற்றுக்கிழமையன்று கல்லூரியிடம் இந்த வருடத்திற்கான காசோலையை வழங்கிவிடலாம்.
மனப்பூர்வமாகச் சொல்கிறேன் - நிசப்தம் பெரும்பலம்.
கல்லூரி நிர்வாகமும், பயிற்சியாளரும் இத்திட்டம் குறித்துப் பேசிய போது ‘செய்துவிட முடியும்’ என்ற நம்பிக்கையுடன் பதில் சொல்லியிருந்தேன். அந்த நம்பிக்கைக்கு காரணம் என்னவென்று நிசப்தத்தைப் பின் தொடரும் அனைவருக்குமே தெரியும். ஆனால் தேவையான நன்கொடையாளர்களைச் சேர்க்க எப்படியும் சில நாட்கள் ஆகிவிடும் என்றுதான் நினைத்திருந்தேன். இந்த வேகம் அபரிமிதமானது. ஆச்சரியமூட்டக்கூடியது. இன்னமும் பெரிய திட்டங்களுக்கு திட்டமிடலாம் என்ற நம்பிக்கையை அளிக்கக் கூடியது. ஆனாலும் அளந்து அடியெடுத்து வைக்கலாம்.
எப்பொழுதும் போலவே- உடன் பயணிக்கும் ஒவ்வொருவருக்கும் நன்றி. பயணிக்க வேண்டிய தூரம் இன்னமும் இருக்கிறது. சேர்ந்தே பயணிப்போம்!
Posts
6 எதிர் சப்தங்கள்:
//மனப்பூர்வமாகச் சொல்கிறேன் - நிசப்தம் பெரும்பலம். //
ஞாபகம் இருந்தா சரி.
நன்கொடை குடுத்து தான் உதவ முடியல.
ஆனா நன்கொடையாளர்களுக்கு நிசப்தம் வாசகனாய் நன்றி சொல்லலாம்.
அதனால
நன்கொடை அளித்து அதுவும் சுரண்டல் லாட்டரி மாதிரி கட்டுரையை வாசிச்ச உடனயே உதவ ஒப்புதல் அளித்த நல் உள்ளங்களுக்கு நன்றி.
Sir...You have decided to adopt a hockey team... Then the amount is not sufficient..They need extra nutritious food (You may know the hostel food)...travel expenses for tournaments..Local travel expenses for training match in turf ground...Summer / special camp at designated locations....Sir provide them branded shoes...Medical insurance for the team members (in case of Injury)...Team Jersey (You may try for corporate sponsorship to print logo)...
Dear Mani,
This is yet another inspirational effort to change the lives of 10 people. Hats off to you and the sponsors.
Please continue to educate these girls that someone has paid forward for their benefit without any expectation. It is on them to uplift others in future as they grow.
I would love to help When similar educational opportunities arise in the future.
(மத்தவங்களுக்காக) நீங்க தொட்டது எப்பவும் துலங்கும் சார்..
வாழ்த்துக்கள்...வழக்கம் போலவே..
முயற்சி வெல்க
Post a Comment